Tuchel përballet me “dhimbje koke”, Anglia drejt shpalljes së skuadrës për Botërorin 2026

Debati i madh në Angli: Kush e meriton biletën për Botëror?

Me Botërorin 2026 që afrohet, në Angli ka nisur diskutimi i madh për listën finale të Thomas Tuchel. Trajneri gjerman pritet të shpallë skuadrën më 22 maj dhe dilemat janë të shumta, sidomos në mbrojtje dhe repartin ofensiv.

Mediat britanike raportojnë se disa emra të rëndësishëm ende nuk e kanë të sigurt vendin në avionin drejt Amerikës së Veriut.

Trent Alexander-Arnold, rrezikon seriozisht

Një nga temat më të diskutuara mbetet situata e Trent Alexander-Arnold. Mbrojtësi i Real Madrid nuk duket të jetë favorit i Tuchel dhe paraqitjet e fundit kanë shtuar dyshimet për praninë e tij në listën finale.

Në krahun tjetër, Reece James konsiderohet zgjedhja kryesore në të djathtë, ndërsa Tino Livramento dhe Djed Spence po fitojnë terren.

Rice dhe Bellingham të paprekshëm

Në mesfushë nuk ka shumë diskutime për Declan Rice dhe Jude Bellingham, të cilët konsiderohen shtyllat kryesore të Anglisë. Lufta e vërtetë zhvillohet për vendet e tjera në repartin qendror.

Elliot Anderson, Adam Wharton, Kobbie Mainoo dhe Morgan Rogers janë ndër emrat që po luftojnë për të bindur Tuchel. Ndërkohë, rikthimi i Jordan Henderson vazhdon të ndajë opinionin në Angli.

Sulmi plot yje, por jo të gjithë bindin

Harry Kane mbetet lideri absolut i “Tre Luanëve” pas një sezoni fantastik me Bayern Munich, ku ka kaluar kuotën e 50 golave.

Megjithatë, pas tij dilemat janë të shumta. Cole Palmer ka pasur probleme fizike dhe formë jo konstante, ndërsa Bukayo Saka nuk ka qenë në nivelin e zakonshëm muajt e fundit.

Kjo situatë mund t’u hapë derën lojtarëve si Jarrod Bowen, Anthony Gordon, Marcus Rashford apo Morgan Gibbs-White, të cilët kanë bërë një sezon pozitiv.

Formacioni i mundshëm i Anglisë

Sipas projeksioneve të mediave angleze, Tuchel pritet të përdorë skemën 4-2-3-1.

Formacioni i mundshëm:
Pickford; Reece James, Guehi, Maguire, O’Reilly; Rice, Anderson; Saka, Bellingham, Rashford; Kane.

Objektivi: fundi i pritjes 60-vjeçare

Anglia hyn në Botëror si një nga favoritët kryesorë për trofeun, por presioni është i jashtëzakonshëm. “Tre Luanët” nuk e kanë fituar Kupën e Botës që nga viti 1966 dhe tifozët presin që Tuchel të sjellë më në fund trofeun e shumëpritur.

Lajmet përkatëse